କହିବା କାହାକୁ ଶୁଣିବ କିଏ??? (Kahiba Kahaku Suniba Kie???)

(୨୦୨୪ ଗାୟତ୍ରୀ ତ୍ରିପାଠୀ ସ୍ମୃତି ସମ୍ମାନ ପ୍ରାପ୍ତ କବିତା ସଙ୍କଳନ)

'କହିବା କାହାକୁ ଶୁଣିବ କିଏ ??? ' କବିତା ସଂକଳନ କହିବାକୁ ଗଲେ କବିତାମାନଙ୍କର ଏପରି ଏକ ମିଶ୍ରଣ ଯାହା ସମସ୍ତ ବର୍ଗର ପାଠକପାଠିକାଙ୍କ ମନକୁ ଛୁଇଁ ପାରିବ ବୋଲି ମୋର ଆଶା । ଏଠି ଅଛି ନିଛକ ସତ୍ୟର ପ୍ରତିଛବି, ପୁଣି ଆଶା ଆକାଂକ୍ଷାର ଅଦୃଶ୍ୟ ଆଗମନର ବାର୍ତ୍ତା । ଏଠି ଅଛି ଅତୃପ୍ତ ମମତାର ଅକୁହା କାହାଣୀ ସହ ଲୁପ୍ତପ୍ରାୟ ପ୍ରଜାତିଙ୍କ ମାର୍ମିକ ବେଦନା ଓ ଯାତନାର ଯାତ୍ରା କାହାଣୀ । ଏଠି ଆମେ ପାଇବା ଅନ୍ୟାୟ ଅତ୍ୟାଚାର ବିରୁଦ୍ଧରେ ସ୍ପଷ୍ଟ ନିର୍ଭୀକ କର୍କଶ ସ୍ୱର, ପୁଣି ତା'ର ସମାଧାନ ନିମନ୍ତେ ବିନମ୍ର ପ୍ରାର୍ଥନାର ଝର । ନୈତିକତାର ହତ୍ୟା ପାଇଁ ଚାଲିଥିବା ରୀତିମତ ଷଡ଼ଯନ୍ତ୍ରର ଗୁମର ସହ ଆପଣ ଏଠି ପାଇବେ ଶ୍ୱାସରୁଦ୍ଧ ମମତା ଓ ନିଷ୍ପେସିତ ବାର୍ଦ୍ଧକ୍ୟର ଅନ୍ତିମ ଇଚ୍ଛାର ବିବରଣୀ  । 

ସଙ୍ଗୀତା ପଣ୍ଡା (କବୀ)